ہوم - زرعی ترقیاتی بینک لمیٹڈ

سکیم برائے افزائش پھولدار پودے وگرین ہاؤسز

زرعی ترقیاتی بینک لمیٹڈ نے ملک میں پھولدار پودوں کی افزائش اور گرین ہاؤسز کے قیام کو ترقی دینے کیلئے اس سکیم کا آغاز کیا ہے۔ تا کہ کسان اپنی محنت و صلاحیتوں کو بروئے کار لا کر پھولوں کی کاشت اور بے موسم کے پھلوں اور سبزیوں کی کاشت کے ذریعے اپنی آمدن میں اضافہ کرسکیں۔ نیز غربت اور بیروزگاری کو کم کرنے میں اپنا کردار ادا کر سکیں۔

شرائط و ضوابط:

دائرہ کار	اس اسکیم کا دائرہ کار پورے ملک میں زرعی ترقیاتی بینک لمیٹڈ کی تمام شاخوں / برانچوں تک ہوگا۔
اہلیت	اس شعبہ سے تعلق رکھنے والے اچھی شہرت کے حامل تمام افراد اس سکیم سے فائدہ حاصل کر سکتے ہیں۔ تاہم پرانے قرضدار جن کا بینک کے ساتھ لین دین تسلی بخش رہا ہو اور اس شعبہ میں سمجھ بوجھ رکھتے ہوں وہ بھی اس اسکیم میں شامل ہو سکتے ہیں۔ ای سی آئی بی رپورٹ صاف ہو۔ ORR گریڈ زیادہ سے زیادہ 04 ہو۔
مطلوبہ دستاویزات	درخواست برائے قرضہ، زرعی پاس بک / فرد جمعبندی، دو عدد تصاویر، کمپیوٹرائزڈ شناختی کارڈ کی نقل۔
قرضے کی حد	کسان اس سکیم کے تحت زیادہ سے زیادہ مبلغ پچاس لاکھ روپے تک قرض حاصل کر سکیں گے۔
قرضدار کا حصہ	قرضدار کو اپنے حصے کے طور پر کل قرض کا 10 فیصد بینک میں جمع کروانا ہوگا۔
ضمانت / اسکیورٹی	زیر ملکیت و قبضہ زرعی اراضی و دیگر قابل قبول ضمانتیں۔
قرضہ کے اخراجات	بمطابق مروجہ بینک چارجز۔
قرض کی وصولی کا جدول	قرض برائے: ٹنل فارمنگ اور گرین ہاؤسز عرصہ 5 سال کے اندر ششماہی اقساط میں واپس ہوگا۔ پہلی قسط ایک سال بعد شروع ہوگی۔ قرض برائے گلاب کی کاشت عرصہ 5 سال کے اندر ششماہی اقساط میں واپس ہوگا۔ جس کی پہلی قسط ایک سال بعد شروع ہوگی۔ قرض برائے ٹیوب روز اور گلیڈ اس عرصہ 5 سال کے اندر ششماہی اقساط میں واپس ہوگا۔ جس کی پہلی قسط چھ ماہ بعد شروع ہوگی۔ قرض برائے برتن اور آرائشی پھول عرصہ 5 سال کے اندر ششماہی اقساط میں واپس ہوگا۔ جس کی پہلی قسط چھ ماہ بعد شروع ہوگی۔
شرح مارک اپ	بینک کے جاری ترقیاتی قرضوں کی مروجہ شرح کے مطابق مارک اپ وصول کیا جائے گا۔
قرضہ کی منظوری	اس سکیم کے تحت مطلوبہ قرضہ کریڈٹ ریویو ڈیپارٹمنٹ (CRD) ہیڈ آفس منظور کرے گا۔
جانچ پڑتال	قرضوں کی جانچ پڑتال بینک کی مجاز اتھارٹی کریں گی۔