ہوم - زرعی ترقیاتی بینک لمیٹڈ

قرضہ برائے اسٹیبلشمنٹ آف ایگری ٹورسٹ آؤٹ لٹ / آرچرڈ

گلگت بلتستان کی زیادہ تر آبادی کے روزگار کا انحصار خشک میوہ جات اور کھیتی باڑی پر ہے۔ ہر سال کم و بیش چندر لاکھ سیاح اندرون و بیرون ملک سے یہاں سیاحت کیلئے آتے ہیں۔ ان حالات کے پیش نظر مقامی کسان زراعت اور سیاحت کو ایک ساتھ ملا کر اپنی پیداوار سے زیادہ فائدہ اٹھا سکتے ہیں اور زرعی ترقیاتی بینک لمیٹڈ اس میں "قرضہ برائے اسٹیبلشمنٹ آف ایگری ٹورسٹ آؤٹ لٹ” سکیم کے تحت اپنا کردار ادا کرے گا۔ جہاں سیاح دیکھ سکتے ہیں، رک سکتے ہیں، لطف اندوز ہو سکتے ہیں اور کسانوں سے اُن کی زرعی مصنوعات براہ راست خرید سکتے ہیں۔

اس سکیم کے خدو خال مندرجہ ذیل ہیں۔

قوائد و ضوابط:

دائرہ کار	گلگت بلتستان اور مینگورہ زون کے تمام علاقوں کے رہائشی اس اسکیم کے تحت قرضہ حاصل کر سکیں گے۔
اہلیت	گلگت بلتستان کے تمام علاقوں کے رہائشی جن کے اپنے پھلوں اور میوہ جات کے باغات ہیں اور جو چاہتے ہیں کہ اپنی زرعی مصنوعات بہتر طریقے سے فروخت کر کے آمدنی میں اضافہ کر سکیں ان کیلئے ایگری ٹورسٹ آؤٹ لٹ سکیم متعارف کروائی گئی ہے۔
مطلوبہ دستاویزات	کمپیوٹرائزڈ شناختی کارڈ کی نقل، درخواست برائے قرضہ، زرعی پاس بک / فرد جمعبندی، دو عدد تصاویر۔
قرضے کی حد	اس سکیم کے تحت ایک کسان زیادہ سے زیادہ پچیس لاکھ روپے تک قرض حاصل کر سکتا ہے تاکہ سیاحوں کے قیام و طعام اور سفری رہائش کیلئے کمروں کی تعمیر کر سکے۔
قرضدار کی شراکت	بینک مقرر کردہ حد پچیس لاکھ روپے فی کس سے زیادہ کے منصوبہ میں اوپر والی رقم قرضدار کی شراکت ہوگی یا پچیس لاکھ روپے سے کم والے منصوبہ میں دس فیصد حصہ قرضدار کو اپنی طرف سے شراکت کے طور پر جمع کروانا ہوگا۔
ضمانت / اسکیورٹی	زیر ملکیت و قبضہ زرعی اراضی و دیگر قابل قبول ضمانتیں زرعی قرضے کے حصول کیلئے پیش کی جاسکتی ہیں بصورت دیگر والدین یا دیگر اہل خانہ کی زرعی اراضی بطور ضمانت اور انہیں بحیثیت شریک قرض دار شامل کر کے بھی اس اسکیم سے فائدہ اٹھا سکتے ہیں۔
قرضہ کے اخراجات	بمطابق مروجہ بینک چارجز۔
شرح مارک اپ	بینک کے جاری ترقیاتی قرضوں کی مروجہ شرح کے مطابق اس سکیم میں مارک اپ وصول کیا جائے گا۔
قرضہ کی منظوری	اس سکیم کے تحت قرضہ (CRD) کریڈٹ ریویو ڈیپارٹمنٹ ہیڈ آفس منظور کرے گا۔
قرض کی ادائیگی	تمام ضروری قانونی کاغذات کی وصولی کے بعد قرضدار کو قرض کی رقم بذریعہ کرنٹ اکاؤنٹ ادا کی جائے گی۔
قرض کی وصولی کا جدول	اس سکیم کے تحت دیئے گئے قرضہ جات ایک سال کی رعائیتی مدت کے ساتھ پانچ سال کے عرصہ کے دوران سالانہ اقساط میں وصول کئے جائیں گے۔
جانچ پڑتال	متعلقہ برانچ کے مینیجر اور موبائل کریڈیٹ آفیسر (MCO) نگرانی کے ذمہ دار ہوں گے اور قرضدار کو مشورہ اور ہدایات دیں گے تا کہ قرض کی رقم مکمل کامیابی سے استعمال ہو سکے۔ تاہم بینک کا موبائل کریڈٹ آفیسر (MCO) تمام قرضوں کی ادائیگی کے ایک ماہ کے اندر قرضوں کے صحیح اور بر وقت استعمال کی جانچ پڑتال کا عمل ذمہ دار ہوگا۔ علاوہ ازیں برانچ مینیجر، رینٹل مینیجر (وصولی) اور ہیڈ آفس کے متعلقہ شعبے بھی ان قرضہ جات کی جانچ پڑتال کریں گے۔
نگرانی	قرضوں کی نگرانی اور جانچ پڑتال بینک کی مجاز اتھارٹی کریں گی۔