کھجور قدرت کا بے پایاں انعام ہے جو کاربوہائیڈریٹس، معدنیات اور وٹامنز کا بھرپور خزانہ ہیں۔ اپنی بے پناہ غذائی افادیت کے پیش نظر کھجور عام غذا کے طور پر، مختلف مٹھائیوں اور شیریں لوازمات میں شوق سے استعمال کی جاتی ہے۔ کھجور کی خشک شکل یعنی چھوہارہ نہ صرف اندرونِ ملک بلکہ بیرونِ ملک برآمد کر کے کثیر زرِ مبادلہ کے حصول کا ذریعہ ہے۔

لہٰذا اس صنعت کے فروغ کیلئے زرعی ترقیاتی بینک لمیٹڈ نے سکیم ہذا کا اجراء کیا تاکہ خواہشمند حضرات بینک کی مالی معاونت سے اپنے کاروبار کو جدید خطوط پر وسعت دے سکیں۔ اس سکیم کے نمایاں خدوخال درج ذیل ہیں۔